കോഴിക്കോട്ട് കാർ മതിലിടിച്ച് തീപിടിച്ചു; ഡ്രൈവർ വെന്തുമരിച്ചു
കോഴിക്കോട്: നിയന്ത്രണം വിട്ട കാർ മതിലിടിച്ച് തീപിടിച്ച് ഡ്രൈവർക്ക് ദാരുണാന്ത്യം. കോഴിക്കോട് ചേവായൂർ മഠത്തിൽമുക്കിലാണ് നാടിനെ നടുക്കിയ സംഭവം നടന്നത്. ചേവായൂർ സ്വദേശിയായ സുധാകരൻ (65) ആണ് മരിച്ചത്. ഇടിയുടെ ആഘാതത്തിൽ കാറിന് തീപിടിക്കുകയും ഡ്രൈവർ ഉള്ളിൽ കുടുങ്ങിപ്പോവുകയുമായിരുന്നു. ഇന്ന് പുലർച്ചെ നാലോടെയാണ് അപകടം നടന്നത്. സുധാകരൻ്റെ വീടിന് സമീപത്തെ മതിലിൽ തന്നെയാണ് കാർ ഇടിച്ചത് എന്നാണ് പുറത്തുവരുന്ന വിവരം. ഓടിവന്ന കാർ പെട്ടെന്ന് നിയന്ത്രണം വിട്ട് മതിലിലേക്ക് ഇടിച്ചുകയറുകയായിരുന്നു എന്നാണ് പ്രാഥമിക നിഗമനം. അപകടം നടന്നയുടൻ വലിയ ശബ്ദം കേട്ടാണ് നാട്ടുകാർ ഉണർന്നത്....
