താലൂക്കാശുപത്രിയിൽ ആക്രമണം: യുവാവ് റിമാൻഡിൽ

താ​മ​ര​ശ്ശേ​രി: താ​ലൂ​ക്ക് ആ​ശു​പ​ത്രി​യി​ൽ ഭീക​രാ​ന്ത​രീ​ക്ഷം സൃ​ഷ്ടി​ച്ച് ആ​ക്ര​മ​ണം ന​ട​ത്തി​യ യു​വാ​വ് റിമാൻഡിൽ. ആ​ക്ര​മ​ണ​ത്തി​ൽ ര​ണ്ടു ആ​ശു​പ​ത്രി ജീ​വ​ന​ക്കാ​ർ​ക്കും ര​ണ്ട് പൊ​ലീ​സു​കാ​ർ​ക്കും പ​രി​ക്കേ​റ്റു. കൊ​ടു​വ​ള്ളി മ​ണ്ണി​ൽ​ക്ക​ട​വ് കി​ഴ​ക്കെ നൊ​ച്ചി​പ്പൊ​യി​ൽ റി​ബി​ൻ റ​ഹ്മാ​ൻ (24) ആ​ണ് ആ​ക്ര​മ​ണം കാ​ണി​ച്ച​ത്. ബു​ധ​നാ​ഴ്ച രാ​ത്രി പ​ത്തോ​ടെ​യാ​ണ് സം​ഭ​വം.

കാ​ലി​ലെ പ​രി​ക്കി​ന് ചി​കി​ത്സ​ക്കാ​യി ആ​ശു​പ​ത്രി അ​ത്യാ​ഹി​ത​വി​ഭാ​ഗ​ത്തി​ലെ​ത്തി​യ യു​വാ​വ് ലൈ​റ്റു​ക​ൾ ഓ​ഫാ​ക്കു​ക​യും ഉ​പ​ക​ര​ണ​ങ്ങ​ൾ വ​ലി​ച്ചെ​റി​യു​ക​യും ഡോ​റി​ലും ചു​മ​രി​ലു​മി​ടി​ച്ച് തെ​റി​യ​ഭി​ഷേ​കം ന​ട​ത്തു​ക​യാ​യി​രു​ന്നു. ജീ​വ​ന​ക്കാ​ർ അ​റി​യി​ച്ച​തി​നെ തു​ട​ർ​ന്ന് സ്ഥ​ല​ത്തെ​ത്തി​യ പൊ​ലീ​സ് കീ​ഴ്പ്പെ​ടു​ത്താ​ൻ ശ്ര​മി​ക്കു​ന്ന​തി​നി​ടെ ര​ണ്ടു പൊ​ലീ​സു​കാ​ർ​ക്കും ന​ഴ്സി​നും സെ​ക്ക്യൂ​രി​റ്റി ജീ​വ​ന​ക്കാ​രി​ക്കും മ​ർ​ദ​ന​മേ​റ്റു.

എ.​എ​സ്.​ഐ അ​ഷ്റ​ഫി​നും സി.​പി.​ഒ. ഹ​രീ​ഷി​നു​മാ​ണ് മ​ർ​ദ​ന​മേ​റ്റ​ത്. പി​ന്നീ​ട് സി.​ഐ സാ​യൂ​ജ് കു​മാ​റി​ന്റെ നേ​തൃ​ത്വ​ത്തി​ൽ കൂ​ടു​ത​ൽ പൊ​ലീ​സെ​ത്തി യു​വാ​വി​നെ കീ​ഴ്പ്പെ​ടു​ത്തു​ക​യാ​യി​രു​ന്നു. അ​റ​സ്റ്റ് രേ​ഖ​പ്പെ​ടു​ത്തി​യ ശേ​ഷം യു​വാ​വി​നെ വ്യാ​ഴാ​ഴ്ച താ​മ​ര​ശ്ശേ​രി ജു​ഡീ​ഷ്യ​ൽ ഒ​ന്നാം ക്ലാ​സ് മ​ജി​സ്ട്രേ​റ്റ് കോ​ട​തി​യി​ൽ ഹാ​ജ​രാ​ക്കി റിമാൻഡ് ചെ​യ്തു. പ്ര​തി ആ​ക്ര​മ​ണ സ​മ​യ​ത്ത് ല​ഹ​രി ഉ​പ​യോ​ഗി​ച്ചി​രു​ന്ന​താ​യി പൊ​ലീ​സ് പ​റ​ഞ്ഞു.