കോടതി വിധി മാനിക്കാതെ സ്വകാര്യ ഗോഡൗണുകൾ വാടകയ്ക്ക് എടുക്കുന്ന സപ്ലൈക്കോ മാനേജരുടെ നടപടിക്കെതിരെ ബി.ജെ.പി പ്രക്ഷോഭത്തിലേക്ക്
കോഴിക്കോട്:സർക്കാർ ഉത്തരവുകൾ മറികടന്ന് സ്വകാര്യ ഗോഡൗണുകൾ വാടകയ്ക്കെടുക്കുന്ന സപ്ലൈക്കോ അധികൃതരുടെ നടപടിക്കെതിരെ ബി.ജെ.പി പ്രക്ഷോഭത്തിലേക്ക്.സി.ഡെബ്ല്യു.സി, എഫ്.സി.ഐ ഗോഡൗണുകളിൽ സ്ഥലം ഉണ്ടെന്നിരിക്കെ സ്വകാര്യ ഗോഡൗണുകളിൽ സാധനങ്ങൾ ഇറക്കാൻ കോടതി വിധിയെ മറികടന്ന് സപ്ലൈക്കോ മാനേജർ അനുമതി കൊടുത്തിരിക്കുകയാണ്. ഇതിനു പിന്നിൽ വൻ അഴിമതിയാണെന്ന് ബി.ജെ.പി ജില്ലാ പ്രസിഡണ്ട് അഡ്വ.വി.കെ സജീവൻ ആരോപിച്ചു.നഗരത്തിൽ നിന്നും 20 കിലോമീറ്റർ അകലെ ചെത്തു കടവിൽ സ്വകാര്യ ഗോഡൗണിൽ റേഷൻ സാധനങ്ങൾ സൂക്ഷിക്കുന്നത് അധിക ബാധ്യതയാണ് സർക്കാറിന് ഉണ്ടാകുന്നത്. സ്വകാര്യ ഗോഡൗണുകളിൽ നിന്നും സാധനങ്ങൾ നഷ്ടപ്പെടുന്നതിൻ്റെ ഉത്തരവാദിത്തം പൊതുവിതരണ വകുപ്പിനാണെന്നും സജീവൻ...









