അജയ്യരായി ബിജെപി; രാഷ്ട്രീയ ഡിഎന്എയെ മാറ്റിയെഴുതിയ വിജയം
ദില്ലി: നിയമസഭാ തെരഞ്ഞെടുപ്പ് നടന്ന അഞ്ച് സംസ്ഥാനങ്ങളില് നാലിലും വന് തേരോട്ടം നടത്തി ചോദ്യം ചെയ്യപ്പെടാനാവാത്ത ശക്തിയായി ബിജെപിയെ (BJP) മാറ്റുകയാണ്. യുപിയിലെ വിജയം ബിജെപിയുടെ രാഷ്ട്രീയ ഡിഎന്എയെ തന്നെ മാറ്റിയെഴുതുന്നതാണ്. കാര്ഷിക നിയമങ്ങളടക്കം പിന്മാറിയ വിഷയങ്ങളില് കൂടുതല് പരിഷ്ക്കാരവുമായി രംഗത്തെത്താനുള്ള ഊര്ജ്ജം ഇതോടെ ബിജെപിക്ക് കിട്ടുകയാണ്. അഞ്ചിലങ്കത്തില് നാലിടത്തെ വിജയം അതിശയോക്തിയല്ലെന്ന് ആവര്ത്തിച്ചപ്പോള് 2024ല് വരാനിരിക്കുന്ന തെരഞ്ഞെടുപ്പിനെ കുറിച്ചുള്ള സന്ദേഹങ്ങളിലും ബിജെപി വ്യക്തത വരുത്തുകയാണ്. ഒരു കാലത്ത് പരീക്ഷണശാലയായിരുന്ന ഉത്തര്പ്രദേശില് ഒറ്റക്ക് അധികാരത്തില് വരിക എന്നത് ബിജെപിക്ക് ദുഷ്ക്കരമായിരുന്നു. ബാബറി മസ്ജിദ് തകര്ന്ന...
