കോഴിക്കോട്: റിയൽ എസ്റ്റേറ്റ്, കൺസ്ട്രക്ഷൻ മേഖലയിൽ ഒരു വർഷത്തിനുള്ളിൽ ആയിരം ഫ്ലാറ്റുകൾ കൈമാറാനൊരുങ്ങി കാപ്പ്ക്കോൺ ഗ്രൂപ്പ്. ഐ ടി മേഖലയിൽ അയ്യായിരത്തിലധികം പുതിയ തൊഴിലവസരങ്ങൾ സൃഷ്ടിച്ചും പുത്തൻ പദ്ധതികൾ വിഭാവനം ചെയ്തും കോഴിക്കോടിന്റെ വികസനമുഖമായി മാറുകയാണ് ഐ ടി ഹബ്ബായ കാപ്പ്കോൺ ഗ്രൂപ്പെന്ന് ചെയർമാൻ സി അൻവർ സാദത്ത് വാർത്താസമ്മേളനത്തിൽ പറഞ്ഞു.
ഫ്ലാറ്റുകളുടെ താക്കോൽ കൈമാറ്റം പന്തീരാങ്കാവിലെ കാപ്പ്ക്കോൺ സിറ്റിയിൽ ചെയർമാൻ സി അൻവർ സാദത്ത് നിർവഹിച്ചു.
25,26 തീയതികളിലും ഫ്ലാറ്റുകളുടെ താക്കോൽ കൈമാറ്റം നടക്കും. ഇന്ത്യയിലും വിദേശത്തും പ്രവർത്തനം വിപുലപ്പെടുത്തുന്നതിന്റെ ഭാഗമായാണ് ലാൻഡ് മാർക്ക് ഡെവലപ്പേഴ്സും ബേസ് ലൈൻ പ്രൊജക്ടും കൈകോർത്ത് കാപ്പ്ക്കോൺ ഗ്രൂപ്പായി പ്രവർത്തിക്കാൻ തീരുമാനിച്ചത്. നേരത്തേ പ്രഖ്യാപിച്ച ടൂറിസം, ആരോഗ്യം, വിദ്യാഭ്യാസം മേഖലകളിൽ 25 വ്യത്യസ്തമായ പദ്ധതികൾ രണ്ടു വർഷത്തിനകം നടപ്പിലാക്കുമെന്ന് അൻവർ സാദത്ത് പറഞ്ഞു. വാർത്താസമ്മേളനത്തിൽ എക്സിക്യൂട്ടീവ് ഡയറക്ടർ അക്ബർ സാദിഖ്, ഡയറക്ടർമാരായ ഷംസിയ അൻവർ, അരുൺ എസ് ബാബു, ജിജോയ് ജി എസ്, കാപ്പ്ക്കോൺ സിറ്റിയുടെ ജനറൽ മാനേജർ- ഓപ്പറേഷൻസ് സാജിർ നടുവത്തിനി സംബന്ധിച്ചു.
