തിരുവനന്തപുരം: സാമൂഹ്യ സുരക്ഷാ പെന്ഷന് ക്രമക്കേടുകളില് ധന വകുപ്പ് കൂടുതല് കടുത്ത നടപടികളിലേക്ക്. കോട്ടക്കല് നഗരസഭയില് തട്ടിപ്പിന് കൂട്ടുനിന്ന ഉദ്യോഗസ്ഥര്ക്കെതിരെ വിജിലന്സ് അന്വേഷണത്തിന് ധന മന്ത്രി കെ.എന് ബാലഗോപാല് നിര്ദേശം നല്കി. ഇതുമായി ബന്ധപ്പെട്ട് സ്വീകരിക്കുന്ന തുടര് നടപടികള് അടിയന്തിരമായി റിപ്പോര്ട്ട് ചെയ്യാനും ധനവകുപ്പ് നിര്ദ്ദേശിച്ചിട്ടുണ്ട്.
പെന്ഷന് അര്ഹത സംബന്ധിച്ച് അന്വേഷണം നടത്തിയ ഉദ്യോഗസ്ഥര്, വരുമാന സര്ട്ടിഫിക്കറ്റ് അനുവദിച്ച റവന്യു ഉദ്യോഗസ്ഥര്, പെന്ഷന് അനുവദിച്ചു നല്കിയ ഉദ്യോഗസ്ഥര് എന്നിവര്ക്കെതിരെ വിജിലന്സ് അന്വേഷണത്തിന് നടപടി സ്വീകരിക്കാന് ഭരണ വകുപ്പുകള്ക്കാണ് നിര്ദേശം നല്കിയത്. ബിഎംഡബ്ള്യു കാര് ഉടമകള് ഉള്പ്പെടെ പെന്ഷന് പട്ടികയില് ചേര്ക്കപ്പെട്ടു എന്നാണ് കണ്ടെത്തിയത്. ചില ക്ഷേമ പെന്ഷന്കാരുടെ വീടുകളില് എയര് കണ്ടീഷണര് ഉള്പ്പെടെ സുഖ സൗകര്യങ്ങളുമുണ്ട്.
കുറ്റക്കാരായ ഉദ്യോഗസ്ഥര്ക്കെതിരെയുള്ള അന്വേഷണ പുരോഗതി ഓരോ മാസവും വിലയിരുത്തണം. കോട്ടയ്ക്കല് നഗരസഭയിലെ ഏഴാം വാര്ഡിലെ പെന്ഷന് ഗുണഭോക്താക്കളെ സംബന്ധിച്ച് മലപ്പുറം ധനകാര്യ പരിശോധനാ വിഭാഗം നടത്തിയ അന്വേഷണത്തിന്റെ തുടര്ച്ചയായാണ് വിജിലന്സ് ആന്റി കറപ്ഷന് ബ്യൂറോയുടെ അന്വേഷണം.
ഏഴാം വാര്ഡിലെ 42 ഗുണഭോക്താക്കളുടെ അര്ഹത സംബന്ധിച്ച പരിശോധനയില് 38 പേരും അനര്ഹരാണെന്നു കണ്ടെത്തിയിരുന്നു. ഒരാള് മരിച്ചു. 50 ലക്ഷത്തിനുമുകളില് വിലയുള്ള കാര് ഉടമകള് ഉള്പ്പെടെ പെന്ഷന് പട്ടികയില് ചേര്ക്കപ്പെട്ടു എന്നാണു കണ്ടെത്തിയത്. ചില ക്ഷേമ പെന്ഷന്കാരുടെ വീടുകളില് എസി ഉള്പ്പെടെ സുഖ സൗകര്യങ്ങളുമുണ്ട്. ഭാര്യയോ ഭര്ത്താവോ സര്വീസ് പെന്ഷന് പറ്റുന്നവരും ക്ഷേമ പെന്ഷന് വാങ്ങുന്നുണ്ട്. മിക്കവരുടെയും വീട് 2000 ചതുരശ്ര അടി തറ വിസ്തൃതിയിലും കൂടുതല് വലുപ്പമുള്ളതാണെന്നും കണ്ടെത്തി. ഒരു വാര്ഡില് ഇത്തരത്തില് കൂട്ടത്തോടെ അനര്ഹര് പെന്ഷന് പട്ടികയില് ഉള്പ്പെട്ടതിനുപിന്നില് അഴിമതിയും ഗുഢാലോചനയും ഉണ്ടായിട്ടുണ്ടാകാമെന്നാണ് ധന വകുപ്പ് പരിശോധനാ വിഭാഗം റിപ്പോര്ട്ട് ചെയ്തത്
