തിരുവനന്തപുരം: സംസ്ഥാനത്തെ മുന്ഗണനാ പട്ടികയില് ഉള്പ്പെട്ടിട്ടുള്ള റേഷന് കാര്ഡ് അംഗങ്ങളുടെ മസ്റ്ററിങ് നടപടികള് ഒക്ടോബര് നവംബര് അഞ്ചുവരെ നീട്ടി. അതേസമയം ഇതുവരെ 84 ശതമാനം ആളുകള് മസ്റ്ററിങില് പങ്കെടുത്തതായി മന്ത്രി ജി.ആര് അനില് വ്യക്തമാക്കി. മസ്റ്ററിങില് പങ്കെടുത്തില്ലെങ്കിലും വിദേശരാജ്യങ്ങളില് പണിയെടുക്കുന്ന തൊഴിലാളികളെ മുന്ഗണനാ റേഷന് കാര്ഡുകളില് നിന്ന് ഒഴിവാക്കില്ലെന്ന് മന്ത്രി പറഞ്ഞു.
84 ശതമാനം ആളുകള് മസ്റ്ററിങ്ങില് പങ്കെടുത്തുകഴിഞ്ഞു. രണ്ടുമുതല് 12 വയസുവരെയുള്ള കുട്ടികള് അവരുടെ ആധാര് പരിശോധയില് കൃത്യതയില്ലാത്ത സാഹചര്യം നിലവിലുണ്ട്. ഇതില് എകദേശം പത്തുലക്ഷത്തോളം കുട്ടികള് ഉള്പ്പെടുന്നു. ആ പോരായ്മ പരിഹരിക്കുന്നതോടെ അവരും മസ്റ്ററിങിന്റെ ഭാഗമാകും. കിടപ്പുരോഗികളുടെ മസ്റ്ററിങ് പുരോഗമിക്കുമയാണ്. അഞ്ചാം തീയതിക്കുള്ളില് നല്ല ശതമാനം പൂര്ത്തിയാക്കാന് കഴിയും. ബാക്കിയുള്ളവര്ക്ക് പ്രത്യേക ക്യാമ്പുകള് നടത്താനാണ് സര്ക്കാര് ആലോചിക്കുന്നത്. മുന്ഗണനാ കാര്ഡുകാരായിട്ടുള്ള ഒരുകോടി അന്പത്തിനാല് ലക്ഷം പേരാണ് മസ്റ്ററിങില് പങ്കെടുക്കേണ്ടത്. വിദേശരാജ്യങ്ങളില് പണിയെടുക്കുന്ന തൊഴിലാളികളില് നിന്ന് ആരെയും ഒഴിവാക്കില്ല. അത്തരത്തില് പ്രചരിക്കുന്ന വാര്ത്തകള് ഊഹാപോഹം മാത്രമാണ്’ മന്ത്രി പറഞ്ഞു.
