കോട്ടയം: കാഞ്ഞിരപ്പള്ളിയില് സഹോദരനെയും മാതൃസഹോദരനെയും വെടിവച്ചുകൊന്ന കേസില് പ്രതിക്ക് ഇന്ന് ശിക്ഷ വിധിക്കും. കാഞ്ഞിരപ്പള്ളി കരിമ്പാനയില് ജോര്ജ് കുര്യനെയാണ് കോട്ടയം സെഷന്സ് കോടതി കഴിഞ്ഞ ദിവസം കുറ്റക്കാരനെന്ന് കണ്ടെത്തിയത്.
സഹോദരന് രഞ്ജു കുര്യന്, മാതൃസഹോദരന് മാത്യു സ്കറിയ എന്നിവരെയാണ് ഇയാള് വെടിവെച്ച് കൊന്നത്.സ്വത്ത് തര്ക്കത്തെ തുടര്ന്നായിരുന്നു അരും കൊല. 2022 മാര്ച്ച് ഏഴിനായിരുന്നു സംഭവം. കാഞ്ഞിരപ്പള്ളി പൊലിസാണ് കേസ് അന്വേഷിച്ച് കോടതിയില് കുറ്റപത്രം സമര്പ്പിച്ചത്. അടുത്ത ബന്ധുക്കള് അടക്കം കൂറ് മാറിയ കേസില് പ്രൊസിക്യൂഷന് ഏറെ ശ്രമപ്പെട്ടാണ് വാദം പൂര്ത്തിയാക്കി പ്രതിയ്ക്ക് ശിക്ഷ ഉറപ്പാക്കിയത്.
