കോഴിക്കോട് : ചെറു ധാന്യങ്ങൾ ശീലമാക്കൂ…ജീവിത ശൈലീ രോഗങ്ങളെ നിയന്ത്രിക്കൂ എന്ന പ്രചാരണത്തിന്റെ ഭാഗമായി മില്ലറ്റ് & സ്പൈസസ് സൊസൈറ്റിയുടെ ആഭിമുഖ്യത്തിൽ കോഴിക്കോട് മാനാഞ്ചിറ ടൗൺഹാളിനടുത്തുള്ള കോംട്രസ്റ്റ് ഗ്രൗണ്ടിൽ മില്ലറ്റ് മേള ആരംഭിച്ചു.
കോഴിക്കോട് കോർപ്പറേഷൻ മുൻ ഡപ്യൂട്ടി മേയർ മീരാ ദർശക് മില്ലറ്റ് മേള ഉദ്ഘാടനം ചെയ്തു. സൊസൈറ്റി ചെയർപേഴ്സൺ ഗീതാമണി അദ്ധ്യക്ഷത വഹിച്ചു.
ദിനേശ് അൽ ദിന , മൂസ്സ അഫ്സൽ, സഞ്ജയ് എം.കെ, സാജിത് ടി.കെ, ബാബു മണാശ്ശേരി, അമൃത തുടങ്ങിയവർ പങ്കെടുത്തു.
ഒമ്പത് ഇനം ചെറു ധാന്യങ്ങൾ, മില്ലറ്റ് ബിരിയാണി , മില്ലറ്റ് ദോശ, മധുര തുളസി, സുഗന്ധവിളകളിൽ നിന്നുമുണ്ടാക്കുന്ന മൂല്യവർധിത ഉൽപ്പന്നങ്ങൾ, തേൻ, വയനാടൻ ബ്ലാക്ക് റൈസ്, കൃഷിക്കാർക്കാവശ്യമായ ചെറു ധാന്യവിത്തുകൾ, നാളികേരത്തിന്റെ വെള്ളത്തിൽ നിന്നുമുണ്ടാക്കുന്ന സ്ക്വാഷ്, ഇഞ്ചി സ്ക്വാഷ്, ജാതിക്ക സ്ക്വാഷ് എന്നിവ മേളയിലൊരുക്കിയിട്ടുണ്ട്.
നിത്യേന വൈകീട്ട് 3 മണിക്ക് ആരംഭിക്കുന്ന മേള ജൂൺ 11 ന് സമാപിക്കും.
