പരീക്ഷണം വിജയം; മലപ്പുറം – മൂന്നാര്‍ ട്രിപ്പിന് ഹൈടെക്ക് ബസുകളെത്തും
മലപ്പുറം:കെ.എസ്.ആർ.ടി.സി മലപ്പുറം ഡിപ്പോയില്‍ നിന്ന് മൂന്നാറിലേക്ക് വിനോദ സഞ്ചാരികള്‍ക്ക് വേണ്ടി ടൂര്‍ പാക്കേജ് നടപ്പിലാക്കിയത് വന്‍ ഹിറ്റായതോടെ ഹൈടെക്ക് ബസുകളെത്തിക്കാനൊരുക്കുന്നു. ഗരുഡ ലക്ഷ്വറി ഹൈടെക്ക് ബസുകളാണ് ഉല്ലാസയാത്രക്കായി സജ്ജമാക്കാന്‍ പദ്ധതിയുള്ളത്. എല്ലാ ശനിയാഴ്ചകളിലും ഉച്ചക്ക് ഒരുമണിക്ക് മലപ്പുറം ഡിപ്പോയില്‍ നിന്നാരംഭിച്ച് രാത്രി 7.30ന് മൂന്നാറിലെത്തുന്ന തരത്തിലാണ് ഉല്ലാസയാത്ര ഒരുക്കിയത്. എന്നാല്‍ പ്രതീക്ഷിച്ചതിലും കൂടുതല്‍ ടിക്കറ്റുകള്‍ ബുക്ക് ചെയ്തതോടെ പദ്ധതി വിപുലീകരിച്ചിരുന്നു. ശക്തമായ മഴ മുന്നറിയിപ്പുണ്ടായിരുന്ന 21നൊഴികെ മറ്റെല്ലാ ദിവസങ്ങളിലും മലപ്പുറം ഡിപ്പോയില്‍ നിന്ന് മൂന്നാറിലേക്ക് സര്‍വീസ് നടത്തി. മിക്ക ദിവസങ്ങളിലും രണ്ട് ബസുകളാണ് സര്‍വീസ്...
