Latestsports

കാജു കാഡോ കരാത്തെ റിയല്‍ ഫൈറ്റിംങിന് തുടക്കമായി 


കോഴിക്കോട്: കാജു കാഡോ കരാത്തെ ആന്റ് മാര്‍ഷ്യല്‍ ആര്‍ട്സ്  അക്കാദമി സംഘടിപ്പിക്കുന്ന 11-ാമത് ഓള്‍ ഇന്ത്യ ഓള്‍ സ്റ്റൈല്‍ ഓപ്പണ്‍ റിയല്‍ ഫൈറ്റിംഗ് ചാമ്പ്യന്‍ഷിപ്പിന്  കോഴിക്കോട് ഇന്‍ഡോര്‍ സ്‌റ്റേഡിയത്തില്‍ തുടക്കമായി. കോഴിക്കോട് ജില്ലാ കളക്ടര്‍ നരസിംഹുഗരി ആര്‍.എല്‍ റെഡ്ഡി ഉദ്ഘാടനം ചെയ്തു.. കാജു കാഡോ കരാത്തെ പ്രസിഡന്റ് റെന്‍ഷി ജയരാജ് പി.കെ. അദ്ധ്യക്ഷത വഹിച്ചു. ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് ഒ. രാജഗോപാല്‍,  കോഴിക്കോട് കോര്‍പ്പറേഷന്‍ കൗണ്‍സിലര്‍മാരായ വി.കെ. മോഹന്‍ദാസ്, അനുരാധ തായാട്ട്്, എസ്.കെ. അബൂബക്കര്‍, സി.എം. പ്രദീപ് കുമാര്‍ (റിട്ട.എസ്പി), ഗ്രാന്‍ഡ് മാസ്റ്റര്‍ എം.ദിലീപ് കുമാര്‍, രതീഷ് ( സെക്രട്ടറി – സിപിഎം നോര്‍ത്ത് ) എന്നിവര്‍ ആശംസകളര്‍പ്പിച്ചു. കാജു കാഡോ കരാത്തെ ആന്റ് മാര്‍ഷ്യല്‍ ആര്‍ട്്‌സ് അക്കാദമി സെക്രട്ടറി റെന്‍ഷി രാഗേഷ് സി.പി സ്വാഗതവും പ്രസന്ന ടീച്ചര്‍ (പ്രോഗ്രാം കമ്മറ്റി കവീനര്‍)  നന്ദിയും പറഞ്ഞു.
18 വയസിനു മുകളിലുള്ള പുരുഷന്‍മാര്‍ക്ക് 45,52,58,64,70,75 വെയ്റ്റ് അടിസ്ഥാനത്തിലും 75നു മുകളില്‍ ഹെവിവെയ്റ്റ് ഇനത്തിലും  വിനിതകള്‍ 45,50,55,55ന്് മുകളില്‍ ഹെവി വെയ്റ്റ് എന്നീ വെയ്റ്റ് കാറ്റഗറിയില്‍ മത്സരങ്ങള്‍ നടക്കുന്നു. 9-11, 12-14, 15-17 എന്നിങ്ങനെ എയ്ജ് കാറ്റഗറിയില്‍ വെയ്്്റ്റ് അടിസ്ഥാനമാക്കിയാണ് ആണ്‍കുട്ടികളുടെയും പെണ്‍കുട്ടികളുയെടും  മത്സരങ്ങള്‍ നടക്കുന്നത്.
 പുരുഷന്മാര്‍ക്ക്  60,65,70 വെയ്റ്റ് കാറ്റഗറിയിലും സ്ത്രീകള്‍ക്ക് 50,55,60 വെയ്റ്റ്് കാറ്റഗറിയിലും പ്രത്യേകം കിക്ക് ബോക്‌സിംഗ് മത്സരവും നടക്കുന്നുണ്ട്.
എല്ലാ കാറ്റഗറിയിലും ആദ്യ റൗണ്ട് മത്സരങ്ങള്‍ ഇന്നലെ നടന്നു. രണ്ടാം റൗണ്ട് , സെമി ഫൈനല്‍ മത്സരങ്ങള്‍ ഇന്ന് നടക്കും. വൈകീട്ട്് ഏഴിന് നടക്കുന്ന സമാപന സമ്മേളന ഉദ്ഘാടനവും സമ്മാന വിതരണവും മന്ത്രി അഹമ്മദ് ദേവര്‍കോവില്‍ നിര്‍വഹിക്കും. കോഴിക്കോട് കോര്‍പ്പറേഷന്‍ കൗസിലര്‍ വരുണ്‍ ഭാസ്‌കര്‍ അധ്യക്ഷത വഹിക്കും. മൈസൂര്‍ ഡിസിപി ശൈലേന്ദ്ര മുഖ്യാതിഥിയായിരിക്കും. മുന്‍ സ്പോര്‍ട്സ് കൗണ്‍സില്‍ പ്രസിഡന്റ് ടി.പി. ദാസന്‍, സിപിഐ ജില്ലാ സെക്രട്ടറി ടി.വി. ബാലന്‍, കോഴിക്കോട് കോര്‍പ്പറേഷന്‍ കായിക വിദ്യഭ്യാസ സ്റ്റാന്റ്ിംഗ് കമ്മറ്റി ചെയര്‍മാന്‍ രേഖ,  സ്വാമി സുനില്‍ ദാസ്്, നിര്‍മലന്‍ ( സിപിഎം ജില്ലാ കമ്മറ്റിയംഗം), എം. അബ്ദുള്‍ സലാം ( കേരള വ്യാപാരി വ്യവസായി ഏകോപന സമിതി ജില്ലാ പ്രസിഡന്റ്), ഡോ. ചന്ദ്രകാന്ത് (മലബാര്‍ നേത്രാലയ), ഡോ. മൊയ്തു (നാഷണല്‍ ഹോസ്പിറ്റല്‍), പി.കെ. കബീര്‍ സലാല (മെമ്പര്‍ ലോക കേരളസഭ) എന്നിവര്‍ സംസാരിക്കും. സെന്‍സായ് കിരണ്‍ കുമാര്‍ സ്വാഗതവും പബ്ലിസിറ്റി കമ്മറ്റി കവീനര്‍  കെ. സേതുമാധവന്‍ നന്ദിയും പറയും.

Reporter
the authorReporter

Leave a Reply