മലയാളി വാഹനയുടമകളെ ആകര്ഷിക്കാൻ മലയാളത്തില് നോട്ടീസുമായി കര്ണാടകയിലെ പമ്പുകള്
മാനന്തവാടി: മലയാളി വാഹനയുടമകളെ ആകര്ഷിക്കാനുള്ള ശ്രമത്തിലാണ് കര്ണാടകയിലെ പമ്പുടമകള്. ഇതിനായി വിലക്കുറവ് കാണിച്ച് മലയാളത്തില് പ്രിന്റ് ചെയ്ത നോട്ടീസ് അടിച്ചിറക്കിയിരിക്കുകയാണ് പമ്പുടമകള്. ഡീസലിന് ഏഴുരൂപയും പെട്രോളിന് അഞ്ചുരൂപയും കുറവുള്ളതായി കാണിച്ചാണ് നോട്ടീസ്. പമ്പ് സ്ഥിതിചെയ്യുന്ന സ്ഥലമടക്കം വ്യക്തമാക്കിയ നോട്ടീസില് ‘നിങ്ങളുടെ ഇന്ധനടാങ്കുകള് നിറയ്ക്കാനും ഓഫറിന്റെ പ്രയോജനം നേടാനും ദയവായി സന്ദര്ശിക്കുക’ എന്നുണ്ട്. ഈ നോട്ടീസാവട്ടെ, ഇപ്പോള് സാമൂഹികമാധ്യമങ്ങളില് വ്യാപകമായി പ്രചരിക്കുന്നുമുണ്ട്. കേരളത്തെ അപേക്ഷിച്ച് ഇന്ധനവില കുറഞ്ഞതോടെ കര്ണാടകത്തില്നിന്ന് ഇന്ധനം നിറയ്ക്കുകയാണ് കേരളത്തിലേക്കുള്ള വാഹനങ്ങള്. കര്ണാടകയില് കേരളത്തിനെ അപേക്ഷിച്ച് ശനിയാഴ്ച ഡീസലിന് ഏഴുരൂപയുടെയും പെട്രോളിന് അഞ്ചുരൂപയുടെയും കുറവുണ്ട്....
