ആസാദി കാ അമൃത് മഹോത്സവം: ജില്ലാതല ആഘോഷം മന്ത്രി മുഹമ്മദ് റിയാസ് ഉദ്ഘാടനം ചെയ്തു
കോഴിക്കോട്:സ്വാതന്ത്ര്യത്തിന്റെ 75ാം വാർഷികത്തോടനുബന്ധിച്ച് നടത്തുന്ന ആസാദി കാ അമൃത് മഹോത്സവത്തിന്റെ ജില്ലാതല ആഘോഷം പൊതുമരാമത്ത്-ടൂറിസം വകുപ്പ് മന്ത്രി മുഹമ്മദ് റിയാസ് ഉദ്ഘാടനം ചെയ്തു. ദീർഘകാല പോരാട്ടത്തിലൂടെ നേടിയ സ്വാതന്ത്ര്യത്തിന്റെ പ്രാധാന്യം നാം വിസ്മരിക്കരുതെന്ന് മന്ത്രി പറഞ്ഞു. മതസൗഹാർദത്തിൻ്റെയും ആതിഥ്യത്തിൻ്റെയും മണ്ണാണ് ഇത്. രാജ്യത്തെ ജനങ്ങളെ ഭിന്നിപ്പിക്കാൻ കൊളോണിയൽ ശക്തികൾക്ക് കഴിഞ്ഞതിനാലാണ് സ്വാതന്ത്ര്യം കിട്ടാൻ താമസിച്ചത്. അതുകൊണ്ട് തന്നെ മതനിരപേക്ഷത പ്രധാനമാണ് എന്ന കാര്യം നമ്മൾ മറക്കരുതെന്നും അദ്ദേഹം പറഞ്ഞു. ജില്ലാ ഇൻഫർമേഷൻ ഓഫീസിന്റെ ആഭിമുഖ്യത്തിൽ ടാഗോർ സെന്റിനറി ഹാളിൽ നടന്ന പരിപാടിയിൽ എം.എൽ.എ തോട്ടത്തിൽ...
