ശ്രീമനോജ് മാധ്യമപുരസ്ക്കാരം നടൻ വിനോദ് കോവൂരിന് സമ്മാനിച്ചു.

എ.സി.വി ന്യൂസിൻ്റെ ആദ്യകാല പ്രൊഡ്യൂസറും മുതിർന്ന മാധ്യമപ്രവർത്തകനുമായ ശ്രീമനോജ് ഓർമ്മയായിട്ട് മൂന്ന് വർഷം പിന്നിടുകയാണ്. കോഴിക്കോട്ടെ മുതിർന്ന മാധ്യമപ്രവർത്തകരിൽ ഒരാൾ എന്നതിലുപരി കോഴിക്കോടിന്റെ സ്പന്ദനങ്ങൾ തൊട്ടറിഞ്ഞ ഒരു സാമൂഹ്യ സാംസ്കാരിക പ്രവർത്തകൻ കൂടിയായിരുന്നു ശ്രീമനോജ്. ഇന്ത്യൻ യൂത്ത് അസോസിയേഷൻ (ഐ.വൈ.എ) ഉൾപ്പെടെ നിരവധി പ്രസ്ഥാനങ്ങളുടെ അമരക്കാരൻ കൂടിയായിരുന്നു അദ്ദേഹം. എ. സി വി കോഴിക്കോട് ബ്യൂറോയിലെ റിപ്പോർട്ടറായി തുടങ്ങി പിന്നീട് പ്രോഗ്രാം അവതാരകനായി ഇന്ന് മലയാളത്തിലെ അറിയപ്പെടുന്ന സിനിമാ താരങ്ങളിൽ ഒരാളായി മാറിയിരിക്കുകയാണ് വിനോദ് കോവൂർ. സിനിമാ താരം എന്നതിനപ്പുറം സാമൂഹ്യ പ്രതിബന്ധതയുള്ള ഒരു വ്യക്തികൂടിയാണ് വിനോദ് കോവൂർ. സർക്കാർ നടപ്പാക്കുന്ന സാമൂഹ്യ സുരക്ഷാ പദ്ധതികൾ എയിഡ് ബോധവത്ക്കരണ പരിപാടി, ഭിന്നശേഷിക്കാരുടെ പുനരധിവാസ പരിപാടികൾ തുടങ്ങിയവയെക്കെല്ലാം നിശ്ചലമായ പിന്തുണ നൽകുന്ന വ്യക്തി കൂടിയാണ് വിനോദ് കോവൂർ, അത്തരം പ്രവർത്തനങ്ങളാണ് വിനോദിനെ പുരസ്കാരത്തിന് അർഹനാക്കിയത്.

എഴുത്തുകാരനും മുതിർന്ന മാധ്യമപ്രവർത്തകനുമായ പി. അനിൽ ചെയർമാനായ ജൂറിയാണ് പുരസ്കാര ജേതാക്കളെ തെരഞ്ഞെടുത്തത്
കൺവീനർ കെ.പി.രമേഷ് ,ജോ കൺവീനർ അനൂപ് കോവിൽ വീട്ടിൽ, കോർഡിനേറ്റർ മുഹമ്മദ് നാസർ വി പി എന്നിവർ ചടങ്ങിൽ പങ്കെടുത്തു.