കോഴിക്കോട്: ആന്റിബയോട്ടിക്ക് മരുന്നുകളുടെ ഉപയോഗത്തിൽ ജാഗ്രത പാലിക്കണമെന്ന് കോഴിക്കോട് അസി. ഡ്രഗ്സ് കൺട്രോളർ ജയൻ ഫിലിപ്പ്. കുറിപ്പടി ഇല്ലാതെയുള്ള ആന്റിബയോട്ടിക്ക് ദുരുപയോഗത്തിനെതിരെ കർശന നടപടി സ്വീകരിക്കുമെന്നും അദ്ദേഹം പറഞ്ഞു. കേരള പ്രൈവറ്റ് ഫാർമസിസ്റ്റ്സ് അസോസിയേഷൻ (കെപിപിഎ ) അഭിമുഖ്യത്തിൽ നടന്ന ഫാർമസിസ്റ്റ്സ് ദിനാഘോഷത്തിന്റെ സംസ്ഥാനതല പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ആന്റിബയോട്ടിക്ക് മരുന്നുകൾ നിർദ്ദേശിക്കപ്പെട്ട കാലയളവിൽ കൃത്യതയിലും മാറ്റം വരുത്താതെയും കഴിച്ചാൽ മാത്രമെ രോഗം പൂർണമായി ബേധമാകുകയുള്ളു. ആന്റിബയോട്ടിക്കുകളുടെ സുരക്ഷിതമായ ഉപയോഗത്തിന് ഫാർമിസിസ്റ്റുകൾക്ക് മുഖ്യപങ്ക് വഹിക്കാനാവുമെന്നും അദ്ദേഹം പറഞ്ഞു. അസോസിയേഷൻ സംസ്ഥാന പ്രസിഡന്റ് കെ വി പങ്കജാക്ഷൻ അധ്യക്ഷത വഹിച്ചു. ഡോ. മെഹ്റൂഫ് രാജ് മുഖ്യാതിഥിയായി. മുൻ അസി. ഡ്രഗ്സ് കൺട്രോളർ ഷാജി എം വർഗീസ് ഫാർമസിസ്റ്റ്സ് ദിന സന്ദേശം കൈമാറി. ഗലീലിയോ ജോർജ് പ്രതിജ്ഞചൊല്ലിക്കൊടുത്തു. സംസ്ഥാന ഫാർമസി കൗൺസിൽ അംഗം സണ്ണി കെ പി, കെ പി പി എ സംസ്ഥാന ജനറൽ സെക്രട്ടറി സുഹൈബ് ടി, ഡോ. രാജലക്ഷ്മി ജി ആർ, ഡോ. അഞ്ജന ജോൺ, ഡോ. സുജിത് അബ്രഹാം, ടി പി രാജീവൻ, ലീന കെ അർഫാക് കെ ടി, പ്രവീൺ പി, ജയൻ കോറോത്ത്, ഷറഫുന്നീസ പി, സിനീഷ് എൻ സംസാരിച്ചു. ആന്റിബയോട്ടിക് ദുരുപയോഗ വിഷയത്തിൽ ഡോക്ടറേറ്റ് നേടിയ ഫാർമസി കോളെജ് അധ്യാപകൻ ഡോ. സഞ്ജയ് ശ്രീകുമാർ, പെയിൻ ആൻഡ് പാലിയേറ്റീവ് കെയറിലെ സജീവ സേവനത്തിന് ഫാർമസിസ്റ്റ് ലീന കെ വി എന്നിവരെ ആദരിച്ചു. പ്രൊഫ. മഞ്ജു സി എസ് ക്ലാസെടുത്തു.
Leave a reply
