കോഴിക്കോട്: ചരിത്ര പ്രസിദ്ധമായ കുറ്റിച്ചിറ മിശ്കാൽ പള്ളിയിൽ 23 ആം മത് കോഴിക്കോട് മുഖ്യഖാസിയായി മുഹമ്മദ് കോയ ജമലുല്ലൈലി സ്ഥാനമേറ്റു.മിശ്കാൽ പള്ളി അങ്കണത്തിൽ സംഘടിപ്പിച്ച ചടങ്ങ് പാണക്കാട് സാദിഖലി ശിഹാബ് തങ്ങൾ ഉദ്ഘാടനം ചെയ്തു. മിശ്കാൽ പള്ളി ആക്ടിങ്ങ് പ്രസിഡന്റ് പി ഒ ഹാഷിം അധ്യക്ഷത വഹിച്ചു. മേയർ ഒ സദാശിവൻ അധ്യക്ഷത വഹിച്ചു. കുറ്റിച്ചിറ പുളി ചുവട് ജംഗ്ഷനിൽ നിന്ന് നിയുക്ത ഖാസിയെ സ്ഥാനാരോഹരണ ചടങ്ങ് നടക്കുന്ന മിശ്കാൽ പള്ളിയിലേക്ക് ഘോഷയാത്രയായി ആനയിച്ചു. തുടർന്ന് പള്ളി ആക്ടിങ് പ്രസിഡന്റ് പി ഒ ഹാഷിം ഖാസിയെ തലപ്പാവ് അണിച്ചു. സ്വാഗത സംഘം ചെയർമാൻ സി ബി വി സിദ്ദിഖ് ഔദ്യോഗിക വസ്ത്രം കൈമാറി. ഡോ. മുഹമ്മദ് അബ്ദുൾ ഹക്കീം അസ്ഹരി, കെ പി ഏട്ടനുണ്ണി രാജ, എ വി അബ്ദുറഹിമാൻ മുസ്ല്യാർ, സഫീർ സഖാഫി, ഡോ. ഹുസൈൻ രണ്ടത്താണി, ടി പി എം നിഷാദ്, എൻ ഉമ്മർ കോയ, കെ മൊയ്തീൻ കോയ, ഡോ. കെ മൊയ്തു, സി എ ഉമ്മർ കോയ, മുഹമ്മദ് അൻസിൽ, എം വി റംസി ഇസ്മയിൽ പ്രസംഗിച്ചു. ചടങ്ങിന്റെ ഭാഗമായി കാലിക്കറ്റ് മാപ്പിള ഹെറിറ്റേജ് ഫൗണ്ടേഷൻ ആഭിമുഖ്യത്തിൽ കോഴിക്കോട്ടെ ഖാസിമാരുടെ പൂർവകാല ചരിത്രം രേഖപ്പെടുത്തുന്ന പ്രദർശനവും ഒരുക്കിയിരുന്നു. 2009 ന് ശേഷം ആദ്യമായാണ് ഇത്തരമൊരു ചടങ്ങ് സംഘടിപ്പിക്കപ്പെട്ടത്.
