വേനൽകാലത്ത് കുടിക്കാൻ മികച്ചൊരു പാനീയം ഏതാണെന്ന് ചോദിച്ചാൽ സംഭാരം ആണെന്ന് തന്നെ പറയാം. കൊളസ്ട്രോൾ, രക്തസമ്മർദ്ദം എന്നിവ കുറയ്ക്കാനും ആരോഗ്യം മെച്ചപ്പെടുത്താനും സംഭാരം സഹായിക്കുമെന്ന് പറയപ്പെടുന്നു.
വേണ്ട ചേരുവകൾ…
തൈര് ഒരു ചെറിയ കപ്പ്
കാന്താരി മുളക് 10 എണ്ണം
ചുവന്നുള്ളി 5 എണ്ണം
ഇഞ്ചി ഒരു കഷ്ണം
കറിവേപ്പില 2 ടീസ്പൂൺ
വെള്ളം 200 മില്ലിലിറ്റർ
ഉപ്പ് ആവശ്യത്തിന്
തയ്യാറാക്കുന്ന വിധം…
ആദ്യം തൈര്, കറിവേപ്പില, കാന്താരി, ചുവന്നുള്ളി, ഇഞ്ചി, ഉപ്പ് എന്നിവ മിക്സിയിൽ നന്നായി അരച്ചെടുക്കുക. ശേഷം വെള്ളവും ചേർത്ത് കറക്കി എടുക്കുക. തണുപ്പിച്ചോ അല്ലാതെയോ കുടിക്കാം.
