മരക്കാറിലെ യുദ്ധക്കപ്പല്‍ ഉണ്ടാക്കിയത് ഇങ്ങനെ……
പ്രിയദര്‍ശന്‍-മോഹന്‍ലാല്‍ കൂട്ടുകെട്ടില്‍ പുറത്തിറങ്ങിയ മരക്കാര്‍ തിയറ്ററുകളില്‍ പ്രദര്‍ശനം തുടര്‍ന്നുകൊണ്ടിരിക്കുകയാണ്. ബിഗ് ബജറ്റില്‍ ഒരുക്കിയ ചിത്രത്തിന്റെ സെറ്റ് ഏറെ ശ്രദ്ധിക്കപ്പെട്ടിരുന്നു. ഇപ്പോള്‍ ചിത്രത്തിലെ യുദ്ധക്കപ്പല്‍ നിര്‍മാണവുമായി ബന്ധപ്പെട്ട മേക്കിംഗ് വീഡിയോ പുറത്തുവിട്ടിരിക്കുകയാണ് അണിയറപ്രവര്‍ത്തകര്‍. സാബു സിറിലിന്‍റെ നേതൃത്വത്തിലുള്ള ടീം മൂന്ന് കപ്പലുകളാണ് സിനിമയ്ക്ക് വേണ്ടി ഒരുക്കിയത്. ഒന്നര ഏക്കറോളം വിസ്തൃതിയിൽ നിർമിച്ച ടാങ്കിൽ വെള്ളം നിറച്ചാണ് സിനിമയിലെ കടലും തിരയും കൊടുങ്കാറ്റുമെല്ലാം ഇവിടെ ഒരുക്കിയത്. മണ്ണുമാന്തി യന്ത്രം ഉപയോഗിച്ച് അവയുടെ കൈകളിൽ ഡ്രമ്മുകൾ കെട്ടിവെച്ച് ആഞ്ഞുവലിച്ചാണ് തിരമാലകൾ സൃഷ്ടിച്ചെടുത്തത്. വെള്ളത്തിൽ ടൺ കണക്കിന് സോപ്പുപൊടിയും മറ്റും...
