മേയ്ത്ര ഹോസ്പിറ്റലില്‍ 70കാരിയുടെ ഹൃദയത്തില്‍ ഏറ്റവും ചെറിയ പേസ്‌മേക്കര്‍ വിജയകരമായി സ്ഥാപിച്ചു
കോഴിക്കോട്: എഴുപതുകാരിയുടെ ഹൃദയത്തിനുള്ളില്‍ ഏറ്റവും ചെറിയ പേസ്‌മേക്കര്‍ മേയ്ത്ര ഹോസ്പിറ്റലില്‍ ശസ്ത്രക്രിയയിലൂടെ വിജയകരമായി സ്ഥാപിച്ചു. നിര്‍ദ്ദിഷ്ട ഹൃദയതാളം ലഭിക്കാനാവശ്യമായ ഇലക്ട്രിക് സിഗ്നലുകള്‍ ഹൃദയപേശികള്‍ക്ക് നല്‍കുന്ന ഉപകരണമായ പേസ് മേക്കറിന്റെ സാധാരണവലുപ്പത്തിന്റെ ഏഴു ശതമാനം മാത്രം വലിപ്പമുള്ള മൈക്രാ എവി എന്ന ലീഡ്‌ലസ് പേസ് മേക്കര്‍ ആണ് എഴുപതുകാരിയായ രോഗിയുടെ ഹൃദയത്തുടിപ്പിന് കരുത്തുപകര്‍ന്ന് ഹൃദയത്തിനുള്ളില്‍ തന്നെ സ്ഥാപിച്ചത്. കലശലായ ക്ഷീണം നേരിട്ടിരുന്ന രോഗിക്ക് കാലതാമസം കൂടാതെ തന്നെ പേസ്‌മേക്കറിന്റെ സഹായം വീണ്ടും വേണമെന്ന സാഹചര്യത്തിലാണ് ഹൃദയത്തിനകത്തു തന്നെ വയ്ക്കാവുന്ന പേസ് മേക്കര്‍ ഘടിപ്പിച്ചതെന്ന് ശസ്ത്രക്രിയക്ക് നേതൃത്വം...
