യുവതലമുറ പ്രണയബന്ധത്തിലെ വ്യക്തിസ്വാതന്ത്ര്യത്തെ കുറിച്ച് അജ്ഞരാകുന്നു : വനിതാ കമ്മീഷന്
പ്രണയബന്ധത്തിലെ വ്യക്തിസ്വാതന്ത്ര്യത്തെ കുറിച്ച് അജ്ഞരായ യുവതലമുറയാണ് വളര്ന്നു വരുന്നതെന്ന് സമീപകാല സംഭവങ്ങള് സാക്ഷ്യപ്പെടുത്തുന്നതായി സംസ്ഥാന വനിതാ കമ്മീഷന് ചെയര്പേഴ്സണ് അഡ്വ.പി.സതീദേവി. കലക്ടറേറ്റ് കോണ്ഫറന്സ് ഹാളില് നടന്ന വനിതാ കമ്മീഷന് മെഗാ അദാലത്തിലെ പരാതികള് പരിഗണിച്ച ശേഷം സംസാരിക്കുകയായിരുന്നു അവര്. മെഗാ അദാലത്തിലും സമാനമായ പരാതി ലഭിച്ചു. പ്രണയബന്ധത്തില്നിന്ന് പിന്മാറുന്ന വ്യക്തിയെ സ്വഭാവഹത്യ ചെയ്യുന്ന തരത്തില് സമൂഹമാധ്യമങ്ങളിലൂടെയുംമറ്റും അധിക്ഷേപിക്കുന്ന പ്രവണതയും ഏറിവരികയാണ്. പ്രണയത്തില് നിന്ന് പിന്മാറുന്ന പങ്കാളിയെ ഇല്ലാതാക്കുന്ന നിരവധി സംഭവങ്ങള് സംസ്ഥാനത്ത് റിപ്പോര്ട്ടു ചെയ്തു. വ്യക്തിസ്വാതന്ത്ര്യത്തെ മാനിക്കാന് പരിശീലിക്കുക എന്നത് എല്ലാ ബന്ധങ്ങളിലും അത്യന്താപേക്ഷിതമാണെന്ന്...
