ഫ്രഷ് കട്ട് മാലിന്യ സംസ്കരണ കേന്ദ്രം: ദുരിതം വർഷങ്ങളായി; ജനങ്ങളുടെ ബുദ്ധിമുട്ട് പരിഹരിക്കാൻ ജില്ലാ ഭരണകൂടം ഇടപെടണം; എം.കെ. രാഘവൻ എം.പി
കോഴിക്കോട്: താമരശ്ശേരി 'ഫ്രഷ് കട്ട്' മാലിന്യ സംസ്കരണ കേന്ദ്രം പ്രദേശവാസികളുടെ ജീവിതത്തെ ബാധിക്കാൻ തുടങ്ങിയിട്ട് വർഷങ്ങളായെന്നും, സംസ്കരണ കേന്ദ്രത്തിൽ നിന്നുള്ള അസഹ്യമായ ദുർഗന്ധം കാരണം പ്രദേശത്തെ ആയിരക്കണക്കിന് കുടുംബങ്ങളുടെ ശുദ്ധവായു പോലും നിഷേധിക്കപ്പെടുന്ന അവസ്ഥ അംഗീകരിക്കാൻ സാധിക്കില്ലെന്നും എം കെ രാഘവൻ എം.പി വ്യക്തമാക്കി. ജനപ്രതിനിധി എന്ന നിലയിൽ വിഷയത്തിൽ നിരവധി തവണ ഇടപെടുകയും, ജില്ലാകളക്ടറെ ഉൾപ്പെടെ നേരിൽ കണ്ട് ജനങ്ങളുടെ ദുരിതം ബോധ്യപ്പെടുത്തിയിരുന്നതായും, ജില്ലാ ഭരണകൂടത്തിന്റെയും, സ്ഥാപന അധികാരികളുടെയും ഭാഗത്ത് നിന്ന് നിസ്സഹകരണ നിലപാടാണ് ഉണ്ടായതെന്നും എം.പി വ്യക്തമാക്കി. ഫാക്ടറിയിലെ മാലിന്യങ്ങൾ മൂലം...
