കോഴിക്കോട് കെ.എസ്.ആർ.ടി.സി സ്റ്റാൻഡിലെ സീലിങ് തകർച്ച: അധികൃതരുടെ അനാസ്ഥക്കെതിരെ യുവമോർച്ച പ്രതിഷേധം; പ്രവർത്തകരെ പോലീസ് അറസ്റ്റ് ചെയ്തു നീക്കി
കോഴിക്കോട്: കെ.എസ്.ആർ.ടി.സി. ബസ് സ്റ്റാൻഡിൽ സീലിങ് തകർന്ന് വീണ് രണ്ട് യാത്രക്കാർക്ക് പരിക്കേറ്റ സംഭവത്തിൽ അധികൃതരുടെ ഭാഗത്തുനിന്നുണ്ടായ ഗുരുതരമായ അനാസ്ഥക്കെതിരെ യുവമോർച്ച കോഴിക്കോട് സിറ്റി ജില്ലാ കമ്മിറ്റിയുടെ നേതൃത്വത്തിൽ ശക്തമായ പ്രതിഷേധം സംഘടിപ്പിച്ചു. യുവമോർച്ച സിറ്റി ജില്ലാ പ്രസിഡന്റ് എം. വിജിത്തിന്റെ നേതൃത്വത്തിൽ പ്രവർത്തകർ അപകടം നടന്ന സ്ഥലം സന്ദർശിക്കുകയും സ്റ്റേഷൻ മാസ്റ്ററെ നേരിൽ കണ്ട് പ്രതിഷേധം അറിയിക്കുകയും ചെയ്തു. എന്നാൽ, യാത്രക്കാർക്ക് പരിക്കേറ്റ ഇത്രയും ഗുരുതരമായ സംഭവം നടന്നിട്ടുപോലും സ്റ്റേഷൻ മാസ്റ്റർ അത് അറിഞ്ഞിരുന്നില്ല എന്ന ഞെട്ടിക്കുന്ന വിവരമാണ് പുറത്തുവന്നത്. തുടർന്ന് എ.ടി.ഒ...
