വിനുവിനെ കോൺഗ്രസ് അപമാനിച്ചു, 2020ൽ വോട്ട് ചെയ്തെന്ന് ഇപ്പോഴും അവകാശപ്പെടുന്നെങ്കിൽ അദ്ദേഹത്തിനെതിരെ കേസെടുക്കണം: സിപിഐഎം ജില്ലാ സെക്രട്ടറി
കോഴിക്കോട്:വിഎം വിനു ഒരു കലാകാരൻ, അദ്ദേഹത്തെ വിവാദങ്ങളിലേക്ക് വലിച്ചിഴയ്ക്കാൻ ഞാനും എൻ്റെ പാർട്ടിയും തയ്യാറല്ലെന്ന് സിപിഐഎം ജില്ലാ സെക്രട്ടറി എം.മെഹബൂബ്. 2020 ൽ വിനു വോട്ട് ചെയ്തിട്ടില്ല. ഒരു പൗരനെന്ന നിലയിൽ അദ്ദേഹത്തിന് നിയമനടപടി സ്വീകരിക്കാം.പക്ഷേ അദ്ദേഹത്തിന് വോട്ടർപട്ടികയിൽ പേരു ചേർക്കാനുള്ള അവസരം ഉണ്ടായിരുന്നു. ഇതൊന്നും നോക്കാതെയാണ് കോൺഗ്രസ് സ്ഥാനാർത്ഥിത്വം പ്രഖ്യാപിച്ചത്. വിനുവിനെ കോൺഗ്രസ് അപമാനിച്ചു. സ്വകാര്യമായ കാര്യമല്ല, വോട്ടർ പട്ടിക സുതാര്യമായാണ് പ്രസിദ്ധീകരിച്ചത്. 2020ൽ വി.എം വിനു വോട്ടു ചെയ്തെന്ന് ഇപ്പോഴും അവകാശപ്പെടുകയാണെങ്കിൽ അദ്ദേഹത്തിനെതിരെ കേസെടുക്കണമെന്നും മെഹബൂബ് ആവശ്യപ്പെട്ടു. കൊടുവള്ളിയിലെ കാരാട്ട് ഫൈസലിൻ്റെ...
