ജോജു ജോർജ് മദ്യപിച്ചിരുന്നില്ല; വൈദ്യപരിശോധന ഫലം പുറത്ത്, ആർക്കും ഇങ്ങനെ സംഭവിക്കരുതെന്ന് ജോജു
കൊച്ചി; ഇന്ധനവില വർദ്ധനയ്ക്കെതിരെ ഇടപ്പള്ളി വൈറ്റില റോഡ് തടഞ്ഞ് കോൺഗ്രസ് നടത്തിയ സമരത്തെ ചോദ്യം ചെയ്ത നടൻ ജോജു ജോർജ്ജ് മദ്യപിച്ചിരുന്നെന്ന ആരോപണവും പൊളിഞ്ഞു. ആശുപത്രിയിൽ നടത്തിയ വൈദ്യപരിശോധനയിൽ ജോജു മദ്യപിച്ചിട്ടില്ലെന്ന് തെളിഞ്ഞെന്ന് പൊലീസ് വ്യക്തമാക്കി. തൃപ്പൂണിത്തറ താലൂക്ക് ആശുപത്രിയിലെത്തിയാണ് താരം വൈദ്യപരിശോധനക്ക് വിധേയനായത്.ജോജുവിനെതിരെ കോൺഗ്രസ് പ്രവർത്തകർ നൽകിയ പരാതി പരിശോധിക്കുമെന്നും പൊലീസ് അറിയിച്ചു. ഒന്ന് പ്രതിഷേധിച്ചതിന്റെ പേരിൽ കള്ളു കുടിച്ചെന്നു പറഞ്ഞ് പൊലീസ് ജീപ്പിൽ കയറി പരിശോധനയ്ക്കു പോകേണ്ടി വന്നെന്നും ഇനിയാർക്കും ഇങ്ങനെ സംഭവിക്കരുതെന്നും ജോജു പ്രതികരിച്ചു. സമരത്തെ ചോദ്യം ചെയ്തത് രാഷ്ട്രീയം...
