വിമാനയാത്രാനിരക്ക് കുത്തനെ കൂട്ടുന്ന വിമാനക്കമ്പനികള്ക്ക് കര്ശന നിയന്ത്രണവുമായി കേന്ദ്ര വ്യോമയാന മന്ത്രാലയം.
ദില്ലി:ഇന്ഡിഗോ വിമാന സര്വീസ് പ്രതിസന്ധിയിലായ പശ്ചാത്തലത്തില് വിമാനക്കമ്പനികള് അസാധാരണമാംവിധം ഉയര്ന്ന വിമാനക്കൂലി ഈടാക്കുന്നതിനെക്കുറിച്ചുള്ള ആശങ്കകള് ഗൗരവമായെടുത്തിട്ടുണ്ടെന്ന് വ്യോമയാനമന്ത്രാലയം അറിയിച്ചു. അവസരം മുതലെടുത്ത് യാത്രാക്കൂലി കൂട്ടുന്നതില്നിന്ന് യാത്രക്കാരെ സംരക്ഷിക്കുന്നതിനായി എല്ലാ ബാധിത റൂട്ടുകളിലും മന്ത്രാലയം അതിന്റെ നിയന്ത്രണ അധികാരങ്ങള് ഉപയോഗപ്പെടുത്തിയതായി അറിയിച്ചു. സ്ഥിതിഗതികള് സാധാരണഗതിയില് എത്തുംവരെ ഈ നിയന്ത്രണം വിമാനനിരക്കുകള് നിരീക്ഷിക്കുന്ന തുടരുമെന്നും മന്ത്രാലയം അറിയിച്ചു. ഇന്ഡിഗോ സര്വീസുകള് താറുമാറായതിനു പിന്നാലെ മറ്റു വിമാനക്കമ്പനികളിലെ യാത്രാക്കൂലി കുത്തനെ കൂട്ടിയിരുന്നു. ഇന്ഡിഗോ സര്വീസ് റദ്ദായവര്ക്ക് ഇത് വന്തിരിച്ചടിയായി. ഇന്ന് ഡല്ഹിയില്നിന്ന് തിരുവനന്തപുരത്തേക്കുള്ള നോണ്സ്റ്റോപ്പ് എയര് ഇന്ത്യ ടിക്കറ്റിന്...
