കൊച്ചി: കപ്പല്ച്ചാലിലൂടെ കടലിലേക്ക് ഒഴുകിപ്പോയ റോ റോയില് കുടുങ്ങിയ കൊച്ചുകുട്ടികളടക്കം അമ്പതോളം യാത്രക്കാരെ രക്ഷപ്പെടുത്തി ഫിഷറീസ് വകുപ്പ് ഉദ്യോഗസ്ഥര്. ചൊവ്വാഴ്ച വൈകിട്ട് ആറ് മണിയോടെയാണ് സംഭവം. ഫോര്ട്ട് കൊച്ചിയില് നിന്ന് വൈപ്പിനിലേക്ക് പോയ റോ റോ സര്വീസിന്റെ എന്ജിന് തകരാറിലായതിനെ തുടര്ന്നാണ് കപ്പല്ച്ചാലിലൂടെ റോ റോ കടലിലേക്ക് ഒഴുകിപ്പോയത്.
വൈപ്പിന് ഫിഷറീസ് മറൈന് എന്ഫോഴ്സ്മെന്റ് വിഭാഗത്തിന്റെ സമയോചിതമായ ഇടപെടലില് എല്ലാവരെയും സുരക്ഷിതമായി കരയ്ക്കെത്തിച്ചതോടെ വന് ദുരന്തം ഒഴിവായി. എന്ജിന് പ്രവര്ത്തനരഹിതമായതോടെ കടലിലേക്ക് ഒഴുകിപ്പോയ റോ റോയെ ഫിഷറീസ് പട്രോള് ബോട്ടും സംഘവും ചേര്ന്ന് പിന്തുടര്ന്ന് വടംബന്ധിച്ച് സുരക്ഷിതമായി തീരത്തേക്ക് അടുപ്പിക്കുകയായിരുന്നു.
കെഎസ്ഐഎന്സിയുടെ ഉടമസ്ഥതയിലുള്ള റോ റോ സര്വീസാണ് അപകടത്തില്പ്പെട്ടത്.
