റോട്ടറി സൈബർ സിറ്റിയ്ക്ക്  പുതിയ ഭരണ സമിതി ചുമതലയേറ്റു ; പ്രസിഡന്റ്  ജലീൽ എടത്തിൽ ,    സെക്രട്ടറി  കെ നിതിൻ ബാബു .      

കോഴിക്കോട് : റോട്ടറി ക്ലബ്ബ് ഓഫ് കാലിക്കറ്റ് സൈബർ സിറ്റി 2022 – 23 വർഷത്തെ ഭരണ സമിതി  ചുമതലയേറ്റു . പ്രസിഡന്റായി അബ്ദുൾ ജലീൽ ,സെക്രട്ടറിയായി കെ നിതിൻ ബാബു, ട്രഷർറായി ആർ കെ രാകേഷ് എന്നിവരടങ്ങുന്ന  സമിതിയാണ് അധികാരമേറ്റത്. ഹോട്ടൽ അപ്പോളോ  ഡിമോറയിൽ നടക്കുന്ന ചടങ്ങിൽ റോട്ടറി ക്ലബ്ബ് 3204 ഗവർണ്ണർ പ്രമോദ് നായനാർ മുഖ്യതിഥിയായി.                  ഐ പി പി സന്നാഫ് പാലക്കണ്ടി അധ്യക്ഷത വഹിച്ച ചടങ്ങിൽ   ഗസ്റ്റ് ഓഫ് ഹോണർ -റോട്ടറി  ഗവർണ്ണർ നോമിനി ഡോ. സേതു ശിവശങ്കർ , ഡി സി മോഹൻ ദാസ് , ഡെപ്യൂട്ടി ഡി സി അഡ്വ. രാധാകൃഷ്ണൻ  , അസിസ്റ്റന്റ് ഗവർണ്ണർ എം എം ഷാജി എന്നിവർ അതിഥികളായി.               ചാട്ടർ പ്രസിഡന്റ് – ടി സി അഹമ്മദ്,   ഇലക്ട് പ്രസിഡന്റ് – കെ വി സവീഷ് , ഡി ആർ ആർ – ശ്യം മിർഷാദ് , മെഹറൂഫ് മണലൊടി , ആർ ജി വിഷ്ണു, സി എസ് ആഷിഖ്  തുടങ്ങിയവർ പങ്കെടുത്തു.

 

ഗണിക ശാസ്ത്ര അധ്യാപകനായാണ് അരിക്കുളം സ്വദേശി ജലീൽ എടത്തിൽ ഔദ്യോഗിക ജീവിതം ആരംഭിക്കുന്നത് . 1986 മുതൽ 2003 വരെ     അരിക്കുളം ഹയർ സെക്കണ്ടറി സ്ക്കൂൾ, മേപ്പയൂർ ഗവ.ഹയർ സെക്കൻഡറി സ്കൂൾ കക്കോടി ഗവ.ഹയർ സെക്കൻഡറി സ്കൂൾ എന്നിവിടങ്ങളിൽ. നീണ്ട അവധിയെടുത്ത് കുടുംബത്തിൽ തന്നെയുള്ള മലബാർ ഗ്രൂപ്പിന്റെ ഭാഗമായി. 2003 മുതൽ 2018 വരെ . 2019 ൽ സ്വന്തം സംരംഭം – മെറാൾഡ ജ്വൽസ് ആരംഭിച്ചു. നിലവിൽ മെറാൾഡയുടെ ചെയർമാനായി തുടരുന്നു. ജീവകാരുണ്യ പ്രവർത്തനത്തിൽ താൽപ്പര്യം റോട്ടറി ക്ലബിലേക്ക് അടുപ്പിച്ചു. അരിക്കുളം സ്വദേശി അബ്ദുള്ള ഹാജി – മറിയം ദമ്പതികളുടെ മുത്ത മകൻ .  ഭാര്യ ഷെറീന ജലീൽ , മക്കൾ ഷെൽജ ജലീൽ , ജസീൽ മുഹമ്മദ് .

ചാർട്ടേഡ് മാനേജ്മെൻറ് എക്കൗണ്ടന്റ് യോഗ്യത നേടിയാണ് കെ നിതിൻ ബാബു എന്ന 28 കാരൻ  ഈ  മേഖലയിൽ കരിയർ ആരംഭിച്ചത്. ബാഗ്ളൂരിൽ ഇന്റർനാഷണൽ മൾട്ടി പ്രൊഫഷണൽ സ്ഥാപനമായ സി എസ് ഡ്ബ്ള്യൂ എ യിൽ 5 വർഷക്കാലം ജോലി ചെയ്ത് നിതിൻ , കോഴിക്കോട് അതേ കമ്പി നി യിൽ മാനേജിംഗ് പാർട്ണറായി തുടരുന്നു. കടലുണ്ടി സ്വദേശി സുരേഷ് ബാബു – ബിന്ദു ദമ്പതികളുടെ രണ്ടാമത്തെ മകൻ. ജെ സി ഐ മാങ്കാവ് പ്രസിഡന്റാണ്. 2021-22 വർഷം റോട്ടറി സൈബർ സിറ്റിയുടെ സെക്രട്ടറിയായിരുന്നു.

കാൽ നൂറ്റാണ്ടിലേറെയായി പ്രൊഫഷണൽ ഫോട്ടോഗ്രാഫി രംഗത്ത് സജീവ സാന്നിധ്യമാണ് ആർ കെ രാeകഷ്. മാഹി അഴിയൂർ സ്വദേശിയും അന്തരിച്ച പ്രശസ്ത ഫോട്ടോഗ്രാഫർ കൃഷ്ണ രാജിന്റെയും കമലത്തിന്റെ മുന്നാമത്തെ മകൻ. ഭാര്യ കെ സോണ, മക്കൾ – ദേവി ക , അതിഥ് ( വിദ്യാർത്ഥികൾ ) മാവൂർ റോഡ് ആർ കെ സ്റ്റുഡിയോ ഉടമയാണ് . കഴിഞ്ഞ 10 വർഷമായി റോട്ടറി ക്ലബ്ബ് അംഗമാണ്.