മുകേഷ് അടക്കമുള്ള നടന്മാര്ക്കെതിരായ പീഡനപരാതി പിന്വലിക്കുന്നതായി പരാതിക്കാരി
കൊച്ചി: മലയാള സിനിമാതാരങ്ങളായ മുകേഷ്, ജയസൂര്യ, ഇടവേള ബാബു, ബാലചന്ദ്രമേനോന് തുടങ്ങിയവര്ക്കെതിരെ നല്കിയ പീഡന പരാതി പിന്വലിക്കുന്നതായി പരാതിക്കാരി. സര്ക്കാരില് നിന്ന് പിന്തുണ ലഭിക്കുന്നില്ലെന്ന് ചൂണ്ടിക്കാട്ടിയാണ് പരാതിയില് നിന്ന് പിന്മാറുന്നതെന്ന് ആലുവ സ്വദേശിയായ നടി അറിയിച്ചു. നടന്മാര്ക്ക് പുറമെ ചലച്ചിത്രമേഖലയിലെ നോബിള്, ബിച്ചു എന്നിവരും കോണ്ഗ്രസ് അഭിഭാഷക സംഘടനയിലെ അഡ്വ.ചന്ദ്രശേഖരന് എന്നിവര്ക്കെതിരെയും നടി പരാതി നല്കിയിരുന്നു. കേസുകള് നേരിടുന്ന എല്ലാവരും ഇപ്പോള് ജാമ്യത്തിലാണ്. ഇതിനിടെയാണ് താന് കേസില് നിന്ന് പിന്മാറുന്നുവെന്ന് നടി അറിയിച്ചത്. കേസുകള് പിന്വലിക്കണമെന്ന് ആവശ്യപ്പെട്ട് പ്രത്യേക അന്വേഷണ സംഘത്തിന് ഉടന് ഇ-മെയില്...
