ഈ വർഷത്തെ പി. വി. സാമി മെമ്മോറിയൽ ഇൻഡസ്ട്രിയൽ ആൻഡ് സോഷ്യോ കൾച്ചറൽ അവാർഡ് ഗോകുലം ഗ്രൂപ്പ് ഓഫ് കമ്പനിസ് എക്സിക്യൂട്ടീവ് ചെയർമാൻ ശ്രീ ഗോകുലം ഗോപാലന് നൽകാൻ തീരുമാനിച്ചതായി പി. വി. സാമി മെമ്മോറിയൽ ട്രസ്റ്റ് ചെയർമാൻ പി. വി. ചന്ദ്രൻ അറിയിച്ചു.
ഒരു മെഡിക്കൽ റെപ്രസെന്ററ്റീവ് ആയി എളിയ നിലയിൽ ജീവിതം തുടങ്ങി ഇന്ന് ആരോഗ്യം, വിദ്യാഭ്യാസം, വിനോദം, ഗതാഗതം തുടങ്ങി വ്യത്യസ്ത മേഖലകളിൽ വിജയിച്ചു നിൽക്കുന്ന അദ്ദേഹത്തിന്റെ സേവനത്തെ മുൻ നിർത്തിയാണ് മാതൃഭൂമി മാനേജിങ് ഡയറക്ടർ ശ്രീ. എം. വി.ശ്രെയാംസ് കുമാർ ചെയർ മാനും ഡോ. സി. കെ. രാമചന്ദ്രൻ, സത്യൻ അന്തിക്കാട് എന്നിവർ അംഗങ്ങളുമായ ജൂറി ഗോകുലം ഗോപാലനെ അവാർഡിനായി തെരെഞ്ഞെടുത്തത്.പി. വി. സാമിയുടെ ചരമദിനമായ സെപ്റ്റംബർ ഒന്നിന് ശ്രീനാരായണ സെന്റനറി ഹാളിൽ നടക്കുന്ന ചടങ്ങിൽ വെച്ച് അവാർഡ് സമ്മാനിക്കും.
