കോഴിക്കോട്: കണ്ണൂരിൽ നടക്കുന്ന ജേർണലിസ്റ്റ് വോളി ലീഗിനുള്ള കാലിക്കറ്റ് പ്രസ്ക്ലബ് ടീമിന്റെ ജഴ്സി മേയർ ഡോ. ബീന ഫിലിപ്പ് പ്രകാശനം ചെയ്തു. ടൂർണമെന്റിൽ ചാമ്പ്യന്മാരാകാൻ കാലിക്കറ്റിനാകട്ടെയെന്ന് മേയർ ആശംസിച്ചു.
കാലിക്കറ്റ് പ്രസ്ക്ലബ്ബ് പ്രസിഡന്റ് എം. ഫിറോസ് ഖാൻ അധ്യക്ഷത വഹിച്ചു. സ്പോൺസർമാരായ ബീക്കൺ സ്പോർട്സ് ഡയറക്ടർമാരായ എം.പി.എസ് സജീർ, ജംഷിദ്, പ്രസ്ക്ലബ് സെക്രട്ടറി പി.എസ്. രാകേഷ്, ട്രഷറർ പി.വി. നജീബ്, ടീം ക്യാപ്റ്റൻ ആദർശ് ലാൽ എന്നിവർ സംസാരിച്ചു.
