സ്ഥിരസംവിധാനമില്ല; അംഗൻവാടി അടച്ചുപൂട്ടലിലേക്ക്
നാദാപുരം: മുപ്പതു വർഷത്തിലേറെയായി വാടകക്കെട്ടിടങ്ങൾ മാറി മാറി കയറിയിറങ്ങിയൊരു അംഗൻവാടി. മുസ്‍ലിം ലീഗിന് നിർണായക സ്വാധീനവും ലീഗ് അംഗങ്ങൾ മാത്രം പ്രതിനിധാനം ചെയ്യുന്ന നാദാപുരം 17 വാർഡിലെ 185ാം നമ്പർ അംഗൻവാടിയാണ് സ്ഥിരമായൊരിടമില്ലാതെ പ്രവർത്തനം നിർത്തേണ്ട സ്ഥിതിയിലെത്തിയിരിക്കുന്നത്. ഒപ്പം പ്രവർത്തനമാരംഭിച്ച മറ്റ് അംഗൻവാടികളെല്ലാം ഹൈടെക്‌ സംവിധാനത്തിലേക്കും കെട്ടിടത്തിലേക്കും മാറിയെങ്കിലും നമ്പർ 185 അംഗൻവാടി അടച്ചുപൂട്ടലിന്റെ വക്കിലാണ്. പ്രവർത്തിക്കാൻ താൽകാലിക അനുവാദം നൽകിയ വീട്ടുടമ കെട്ടിടം ഒഴിയാൻ ആവശ്യപ്പെട്ടതോടെ ഡിസംബറോടെ ഇവിടെ പഠിക്കുന്ന പതിനഞ്ചോളം കുട്ടികളുടെ ഭാവി അനിശ്ചിതത്ത്വത്തിലായി. 30വർഷം മുമ്പ് നാരാണംകണ്ടി എന്ന പറമ്പിലെ...
