തെരഞ്ഞെടുപ്പിനായി കോണ്ഗ്രസ് വയനാട്ടില് കോടികളുടെ കള്ളപ്പണം ഒഴുക്കുന്നു: പി.കെ. കൃഷ്ണദാസ്
കല്പ്പറ്റ: തെരഞ്ഞെടുപ്പ് അട്ടിമറിക്കാനായി കോണ്ഗ്രസ് വയനാട്ടില് കോടികളുടെ കള്ളപ്പണം ഒഴുക്കുന്നതായി ബിജെപി ദേശീയ നിര്വ്വാഹക സമിതി അംഗം പി.കെ. കൃഷ്ണദാസ് പറഞ്ഞു. കല്പ്പറ്റയില് നടത്തിയ പത്രസമ്മേളനത്തിലാണ് അദ്ദേഹം ഇക്കാര്യം വ്യക്തമാക്കിയത്. കര്ണ്ണാടക ഉപ മുഖ്യമന്ത്രി ഡി.കെ. ശിവകുമാറിന്റെ നേതൃത്വത്തിലാണ് കള്ളപ്പണവും മദ്യവും വയനാട്ടിലേക്ക് എത്തിക്കുന്നത്. രാത്രിയാത്രാ നിരോധനമുള്ള മുത്തങ്ങ വഴി രാത്രി കര്ണ്ണാടക പോലീസിന്റെയും ഫോറസ്റ്റിന്റെയും അകമ്പടിയോടെ നിരവധി വാഹനങ്ങള് കഴിഞ്ഞ ദിവസങ്ങളില് കടന്നു പോന്നിട്ടുണ്ടെന്ന് തദ്ദേശീയരായ ദൃക്സാക്ഷികള് പറയുന്നു. 2019ലും 24ലും രാഹുല് പ്രധാനമന്ത്രിയാകുമെന്ന് യുഡിഎഫിന് വയനാടന് ജനതയെ പറഞ്ഞു കബളിപ്പിക്കാന് കഴിഞ്ഞിരുന്നു...
