തിക്കോടി ബീച്ച് ദുരന്തം; 93 ലക്ഷത്തിന്‍റെ വികസന പദ്ധതികൾ എങ്ങുമെത്തിയില്ല

പ​യ്യോ​ളി: നാ​ലു​പേ​രു​ടെ ദാ​രു​ണ മ​ര​ണ​ത്തി​നി​ട​യാ​ക്കി​യ തി​ക്കോ​ടി ക​ല്ല​ക​ത്ത് ഡ്രൈ​വ് ഇ​ൻ ബീ​ച്ചി​ലെ സു​ര​ക്ഷാ പാ​ളി​ച്ച​ക​ൾ​ക്കെ​തി​രെ പ്ര​തി​ഷേ​ധം ശ​ക്ത​മാ​കു​ന്നു.

ഞാ​യ​റാ​ഴ്ച വൈ​കീ​ട്ട് വ​യ​നാ​ട് സ്വ​ദേ​ശി​ക​ളാ​യ വി​നോ​ദ​സ​ഞ്ചാ​ര സം​ഘ​ത്തി​ൽ​പ്പെ​ട്ട നാ​ലു​പേ​ർ മു​ങ്ങി​മ​രി​ച്ച സം​ഭ​വ​ത്തി​ന്റെ ന​ടു​ക്ക​ത്തി​ൽ നി​ന്നും നാ​ട് ഇ​നി​യും മു​ക്ത​മാ​യി​ട്ടി​ല്ല.

വി​നോ​ദ സ​ഞ്ചാ​രി​ക​ളെ ഏ​റെ ആ​ക​ർ​ഷി​ക്കു​ന്ന ക​ട​ൽ​തീ​ര​മാ​യി​ട്ടും സു​ര​ക്ഷാ ക്ര​മീ​ക​ര​ണ​ങ്ങ​ള​ട​ക്കം ഒ​രു വി​ക​സ​ന പ​ദ്ധ​തി​ക​ൾ പോ​ലും ന​ട​പ്പാ​ക്കാ​ൻ പ്രാ​ദേ​ശി​ക ഭ​ര​ണ​കൂ​ട​മോ സം​സ്ഥാ​ന സ​ർ​ക്കാ​റോ മു​ൻ​കൈ​യെ​ടു​ക്കാ​ത്ത​തി​ൽ നാ​ട്ടു​കാ​ർ പ്ര​തി​ഷേ​ധ​മു​യ​ർ​ത്തു​ന്നു​ണ്ട്.

ര​ണ്ടാം പി​ണ​റാ​യി സ​ർ​ക്കാ​ർ അ​ധി​കാ​ര​മേ​റ്റ​യു​ട​നെ 2021 ജൂ​ലൈ​യി​ൽ സ്ഥ​ലം സ​ന്ദ​ർ​ശി​ച്ച മ​ന്ത്രി റി​യാ​സ് 93 ല​ക്ഷം രൂ​പ​യു​ടെ വി​ക​സ​ന പ​ദ്ധ​തി​ക​ളാ​യി​രു​ന്നു ഡ്രൈ​വ് ഇ​ൻ ബീ​ച്ചി​ന്റെ വി​ക​സ​ന​ത്തി​നാ​യി പ്ര​ഖ്യാ​പി​ച്ചി​രു​ന്ന​ത്. ടൂ​റി​സം വ​കു​പ്പി​ന്റെ കീ​ഴി​ൽ കി​റ്റ്കോ ത​യാ​റാ​ക്കി​യ പ​ദ്ധ​തി​യി​ൽ പ്ര​വേ​ശ​ന​ക​വാ​ടം, ഇ​ന്റ​ർ​ലോ​ക്ക് വി​രി​ച്ച ന​ട​പ്പാ​ത​ക​ൾ, മു​ള​കൊ​ണ്ടു​ള്ള വേ​ലി​ക​ൾ, പു​ല്ലും മു​ള​യും ഉ​പ​യോ​ഗി​ച്ചു​ള്ള ഹ​ട്ടു​ക​ൾ, വി​ശ്ര​മി​ക്കാ​നു​ള്ള ഇ​രി​പ്പി​ട​ങ്ങ​ൾ, കു​ടി​വെ​ള്ള സൗ​ക​ര്യം, ശൗ​ചാ​ല​യം, കു​ട്ടി​ക​ൾ​ക്കു​ള്ള ക​ളി​സ്ഥ​ലം തു​ട​ങ്ങി​യ വി​പു​ല​മാ​യ സൗ​ക​ര്യ​ങ്ങ​ളാ​യി​രു​ന്നു പ​ദ്ധ​തി​യി​ൽ അ​ന്ന് പ്ര​ഖ്യാ​പി​ച്ചി​രു​ന്ന​ത്. എ​ന്നാ​ൽ, നാ​ലു​വ​ർ​ഷ​ത്തി​നി​പ്പു​റം പ്ര​ഖ്യാ​പി​ച്ച പ​ദ്ധ​തി​ക​ളെ​ല്ലാം ക​ട​ലാ​സി​ൽ ഒ​തു​ങ്ങു​ക​യാ​യി​രു​ന്നു.